Համալսարանում ուսանելու ողջ 5 տարիները նրա համար եղան կայացման ու ազգային ինքնագիտակցության տարիներ: Համալսարանն ավարտելուց հետո, Սոնյային՝ ՀԽՍՀ Գլխավոր արխիվային վարչության հարցմամբ, ուղարկեցին Հայաստան: Եվ 1973 թվականից սկսվեց նրա կարիերան՝ Հայաստանի պատմության արխիվում: 10 տարի անց, Սոնյան դարձավ Պատմության արխիվի տնօրենի տեղակալ, 1993 թ.՝ տնօրեն, իսկ 2003 թ., երբ Հանրապետության բոլոր արխիվները միավորվեցին և կազմավորվեց Հայաստանի ազգային արխիվը, նա դարձավ Հայաստանի ազգային արխիվի փոխտնօրեն:

​

Աշխատանքային տարիների ողջ ընթացքում, տիկին Սոնյան եղել է ոչ միայն վարչական աշխատող, այլև ստեղծագործող անձնավորություն: Նա պաշտպանել է թեզ՝ Առաջին Հայկական Հանրապետության պետական ու քաղաքական գործիչ

​

Ալեքսանդր Խատիսյանի վերաբերյալ: Նա նաև տասնյակ գիտական հրապարակումների հեղինակ է, և հասկանում է, թե որքան կարևոր է սեփական տոհմի ու ամբողջ ազգի պատմության իմացությունը:

 

Տիկին Սոնյան վսատահաբար նշում է, որ գտել է իր կյանքի իրական կոչումը, և առանց վարանելու կընտրեր պատմության ֆակուլտետն ու նույն կյանքի ուղին, եթե կյանքի անիվը ետ վերադառնար:

 

Ձեզ համար կբացվեն Ձեր նախնիների բոլոր գաղտնիքներն ու կյանքի ասպեկտները, ինչպես և տոհմածառը կդառնա Ձեր հպարտության աղբյուրներից մեկը: Իմանալ սեփական ընտանիքի և ազգի պատմությունը անհրաժեշտ է, այն կօգնի բացահայտել ապագայի հեռանկարները և առավելապես հասկանալ ինքդ քեզ ու ինքդ քո բնույթը: