Ուրախ ենք ներկայացնել Ձեզ մի մարդու, ով Հայաստանում սկսել է զբաղվել ամենաքրտնաջան աշխատանքներից մեկով՝ ԴՆԹ թեստերով և դրանց վերծանմամբ:

 

Մհեր Իշխանյանը ծնվել է Հայաստանում՝ պատմական Խնձորեսկ գյուղում: 5 տարեկանից տեղափոխվոլ է Երևան: 2003 թվականից սկսել է հետաքրքրվել տոհմաբանական ծագումնաբանությամբ, որն այսօր կոչվում է ԴՆԹ տոհմաբանություն:

 

Առաջին էտապում Մհերը սկսեց ԴՆԹ թեստեր անցկացնել իր հարազատների շրջանում՝ FTDNA ընկերությունում: Ժամանակի ընթացքում նա խորացավ այդ ուղղությամբ և հայերից առաջինն էր, որ սկսեց զբաղվել ԴՆԹ տոհմաբանության գործնական հարցերով:

 

2016 թ. Մհերը ստեղծեց Սյունիք ԴՆԹ նախագիծը և Խնձորեսկ ԴՆԹ նախագիծը, ու սկսեց զբաղվել Խնձորեսկի տոհմերի ծագումնաբանության ուսումնասիրությամբ: Նրա հետաքրքրությունն ու այդ թեմայի ուղղությամբ գիտելիքները նկատեցին FTDNA ընկերության Հայկական ԴՆԹ նախագծի վարչակազմի կողմից, որտեղ հավաքված են հազարավոր հայերի ծագումնաբանական արդյունքները՝ Armenian DNA Project: